ഭീകരതയുടെ സംഘപരിവാരം
ഭീകരതയുടെ സംഘപരിവാരം അങ്ങനെ ദുര്മുഖമുള്ള യാഥാര്ഥ്യങ്ങള് ഓരോന്നായി പുറത്തുവരുകയാണ്. രാജ്യത്തെങ്ങും വ്യവസ്ഥാപിതമായി ബോംബ്സ്ഫോടനങ്ങള് നടത്തി നൂറുകണക്കിന് ആളുകളെ കൊലചെയ്യുകയും ആയിരക്കണക്കിന് ആളുകളെ അംഗവിഹീനരാക്കുകയും ചെയ്തവരൊക്കെ നാഗ്പൂരിലെ ആര്.എസ്.എസ് ആസ്ഥാനത്തുനിന്നു പരമതവിരോധം കോരിക്കുടിക്കുകയും അതോടൊപ്പം വിധ്വംസകപ്രവര്ത്തനങ്ങളില് ഉന്നത പരിശീലനം നേടുകയും ചെയ്തവരാണെന്ന വസ്തുതയാണ് അനുദിനം അനാവരണം ചെയ്യപ്പെടുന്നത്. പര്ബാനി ബോംബിന്റെ അറിയാക്കഥകള് 2008 മെയ് 13. ജയ്പൂര് സ്ഫോടനം നടന്നു മണിക്കൂറുകള്ക്കകം ഡല്ഹി നോര്ത്ത് ബ്ളോക്കില് ആഭ്യന്തരമന്ത്രാലയത്തിന്റെ ബ്രീഫിങ് നടക്കുന്നു. ആഭ്യന്തര സഹമന്ത്രി ശ്രീപ്രകാശ് ജയ്സ്വാളിന്റെ മുഖത്ത് സമ്മര്ദ്ദങ്ങളുടെ ഭാരം. എവിടെയും തൊടാതെയുള്ള വിശദീകരണങ്ങള്ക്കിടെ മാധ്യമപ്രവര്ത്തകരുടെ കുത്തിക്കുത്തിയുള്ള ചോദ്യങ്ങള്ക്കു മുന്നില് ജയ്സ്വാളിനു പതര്ച്ച. ആരാണു സ്ഫോടനം നടത്തിയതെന്ന മാധ്യമങ്ങളുടെ ചോദ്യത്തിനു മറുപടി വന്നു. ഇതിനു പിന്നില് വിദേശ കരങ്ങളുണ്ട്. ലശ്കറെ ത്വയ്യിബയുടെ ഇന്ത്യന് പതിപ്പായ ഇന്ത്യന് മുജാഹിദീനാണു പിന്നില്. സ്ഫോടനം നടന...
