ചിലര് കണ്ണടച്ചാല് ഇരുട്ടാവുമോ?
ചിലര് കണ്ണടച്ചാല് ഇരുട്ടാവുമോ? തേജസ് സബ് എഡിറ്ററും എസ് ഡി പി ഐ ഫേസ് ബുക്ക് ഗ്രൂപ് അഡ്മിനുമായ എം ടി പി റഫീഖ് ആണ് ലേഖകന് മുസ്ലിം പിന്നാക്ക ശാക്തീകരണശ്രമങ്ങളില് പുതുവഴികള് തീര്ക്കുന്ന പോപുലര് ഫ്രണ്ട് ഓഫ് ഇന്ത്യയുടെ ഡല്ഹിസമ്മേളനത്തിനു മാധ്യമങ്ങളുടെ പതിവു തമസ്കരണത്തില്നിന്ന് ഒരുപരിധിവരെയെങ്കിലും രക്ഷപ്പെടാനായി എന്നതു ശുഭസൂചനകള് നല്കുന്നു. രാജ്യതലസ്ഥാനത്തെ ഇളക്കിമറിച്ച് പലതുകൊണ്ടും പ്രസിദ്ധിയോ കുപ്രസിദ്ധിയോ നേടിയ രാംലീലാമൈതാനിയില് ഇന്ത്യയുടെ വിവിധ ഭാഗങ്ങളില്നിന്നുള്ള പതിനായിരങ്ങളെത്തിയ സാമൂഹികനീതിസമ്മേളനത്തോട് ഒരു ചെറുവിഭാഗം മാധ്യമങ്ങളെങ്കിലും നീതിപുലര്ത്താന് ശ്രമിച്ചു എന്നതു ജനകീയപോരാട്ടങ്ങളെ എന്നും മറയ്ക്കു പിന്നില് നിര്ത്താന് ആര്ക്കും സാധ്യമല്ലെന്നതിന്റെ ഉദാഹരണം കൂടിയാണ്. ഇംഗ്ളീഷ്പത്രങ്ങളില് സമ്മേളനവാര്ത്ത ഏറ്റവും നന്നായി റിപോര്ട്ട് ചെയ്തത് ഹിന്ദുവാണ്. അഞ്ചു കോളത്തില് സമ്മേളനസന്ദേശം ഏറക്കുറേ ഉള്ക്കൊള്ളുന്ന തരത്തിലായിരുന്നു റിപോര്ട്ട്. 'മുസ്്ലിംകള്ക്കു കൂടുതല് പ്രാതിനിധ്യംതേടി പോപുലര് ഫ്രണ്ട്' എന്നായിരുന്നു ഹിന്ദുവിന്റെ തലക്കെട്ട്. അതേസ...
