ആരോഗ്യവകുപ്പിന് ലഭിച്ച പരാതികളെ തുടര്‍ന്നാണു റെയ്ഡ് നടന്നത്. കണ്ണൂര്‍ ജില്ലയിലെ തലശ്ശേരി ഇന്ദുലേഖ ഫാക്ടറിയില്‍നിന്ന് 46 ലക്ഷം രൂപയുടെ ഉല്‍പ്പന്നങ്ങള്‍ പിടിച്ചെടുത്തു. എറണാകുളത്ത് ധാത്രി ഫാക്ടറിയിലും വിതരണശൃംഖലകളുടെ ഗോഡൌണുകളിലും റെയ്ഡ് നടന്നു. ഡ്രഗ്സ് കണ്‍ട്രോള്‍ വിഭാഗം ജില്ലാതല മേധാവികളായ രജതന്‍ (കൊല്ലം), പ്രദീപ് (എറണാകുളം), രഘുനാഥന്‍ (കണ്ണൂര്‍), പി എം ജയന്‍ (കോഴിക്കോട്), പ്രകാശ്ബാബു (തൃശൂര്‍) എന്നിവര്‍ നേതൃത്വം നല്‍കി.
ശ്രീധരീയം സ്മാര്‍ട്ട് ലീന്‍, ഇന്ദുലേഖ ഗോള്‍ഡ് ഹെയര്‍ കെയര്‍ ഓയില്‍, ധാത്രി ഫെയര്‍ ക്രീം, ധാത്രി ഹെയര്‍ ഓയില്‍ എന്നീ പ്രമുഖ ഉല്‍പ്പന്നങ്ങള്‍ വ്യാജ പരസ്യം നല്‍കി ഉപഭോക്താക്കളെ കബളിപ്പിക്കുകയാണെന്ന് ഡ്രഗ്സ് കണ്‍ട്രോള്‍ വിഭാഗം അറിയിച്ചു.
ഡ്രഗ്സ് ആന്റ് മാജിക്കല്‍ റെമഡീസ് ആക്റ്റ് പ്രകാരം വ്യാജ പരസ്യം നല്‍കിയതിനും മിസ് ബ്രാന്റിങ് നടത്തിയതിനും ഉപഭോക്താക്കളെ വഞ്ചിച്ചതിനുമാണ് നിര്‍മാതാക്കള്‍ക്കെതിരേ കേസെടുത്തത്. മുടികൊഴിച്ചില്‍ തടയുന്നു, മുടി വളര്‍ത്തുന്നു, തടി കുറയ്ക്കുന്നു എന്നിങ്ങനെ ഈ കമ്പനികള്‍ നല്‍കിയ പരസ്യങ്ങള്‍ നിയമവിരുദ്ധമാണെന്ന് ആരോഗ്യവകുപ്പ് അധികൃതര്‍ പറഞ്ഞു.
പരസ്യത്തിലൂടെ തെറ്റായ അവകാശവാദം നല്‍കി ഉപഭോക്താക്കളെ കബളിപ്പിക്കുന്നത് ഡ്രഗ്സ് ആന്റ് മാജിക്കല്‍ റെമഡീസ് ആക്റ്റ് പ്രകാരം ഒരു വര്‍ഷം വരെ തടവും പിഴയും ലഭിക്കാവുന്ന കുറ്റമാണ്. ലൈസന്‍സ് ലഭിച്ച ഉല്‍പ്പന്നങ്ങളല്ലാതെ വ്യാജ ഉല്‍പ്പന്നങ്ങള്‍ ഉണ്ടാക്കി വിപണിയില്‍ എത്തിച്ചതിനു മിസ് ബ്രാന്റിങ്ങിനും കേസെടുത്തിട്ടുണ്ട്.
ജില്ലാകേന്ദ്രങ്ങളില്‍നിന്നു പിടിച്ചെടുത്ത ഉല്‍പ്പന്നങ്ങള്‍ കൂടുതല്‍ പരിശോധനയ്ക്ക് അയക്കുമെന്നും തുടര്‍നടപടി സ്വീകരിക്കുമെന്നും ഡ്രഗ്സ് കണ്‍ട്രോളറുടെ ഓഫിസ് അറിയിച്ചു.
ഒലീവിന്നു ആശംസകള്‍ ധീരമായി മുന്നോട്ടു പോകുക
മറുപടിഇല്ലാതാക്കൂഈ പറയുന്ന ഡ്രഗ്സ് കണ്‍ട്രോള്‍ വിഭാഗത്തിനു എന്തേ ഫെയര്‍ ആന്‍ഡ്‌ ലൌലി, പീയെര്സ്, ഫെയര്‍ ആന്‍ഡ്‌ ഹന്ട്സോം തുടങ്ങിയ അന്താരാഷ്ട്ര ബ്രാന്‍ഡുകള്‍ നല്‍കുന്ന തെറ്റായ പരസ്യങ്ങള്‍ കാണുന്നില്ലേ.....
മറുപടിഇല്ലാതാക്കൂഅതോ സായിപ്പിന്റെ ഉല്പന്നങ്ങള്‍ കണ്ടപ്പോള്‍ ഇവരും കവാത്ത് മറന്നോ ????